• सूचना विभाग दर्ता नं. ६२९/०७४-७५

“किवी” मा सोलुका जाङबु

  • फाल्गुन ३, २०७४
  • सोलुखुम्बु समाचार
alt

२४ असार, सोलुखुम्बु - ६० बर्षको उमेरसम्म परम्परागत खेतीमा समय खर्चेका जाङबु शेर्पा यतिखेर मक्ख छन् । तीन बर्ष अघि किवी खेती शुरु गरेका शेर्पाको बारीमा लटरम्म किवी फल्न शुरु गरेको छ । सोलुदुधकुण्ड नगरपालिका ७ गार्माको झण्डै १८ रोपनी जमिनमा तीन बर्ष अघि किवी खेती शुरु गरेका शेर्पाले किवीवाट गत बर्षदेखि नै आम्दानी लिन शुरु गरेका हुन् । “पोहोर साल ५० हजार जतिको बेचें, यस बर्ष पाँच लाख जति हुन्छ होला” ६३ बर्षिय शेर्पाले भने । गत बर्ष उनले प्रति केजी तीन सय रुपैयाँको दरले घरैवाट किवी बेचेको बताए ।

सोलुखुम्बुमा यतिखेर करिब ८ हेक्टर जमिनमा किवी खेती गरेको जिल्ला कृषि विकास कार्यालय सोलुखुम्बुको अनुमान छ । बरिष्ठ कृषि विकास अधिकृत नेत्रप्रसाद भण्डारी भन्छन् “हामीले परम्परागत खेती प्रणालीवाट आधुनिक र नगदे बालीतर्फ कृषकलाई आकर्षित गराउने प्रयास गरिरहेका छौं, सोलुखुम्बुमा किवीको पनि राम्रो सम्भावना छ ।” 
दुई तीन बर्ष पछि जाङबुको किवी खेतीवाट बार्षिक आम्दानी २० लाखदेखि माथि हुने अनुमान छ । २५० किवीको बोटले फल दिन शुरु गरेको र तीन बर्ष पछि एउटा बोटवाट कम्तीमा पनि ५० केजी किवी फल्ने कृषि विकास कार्यालयका कृषि प्राबिधिकहरुले अनुमान गरेकाछन् । 
“पहिले पहिले आलु मकै भन्दै दुख गरियो, झण्डै पुरै जिन्दगी दुखैमा बित्यो” पसिना पुछ्दै जाङबुले भने । मेहनत अनुसारको फल लाग्दै गरेको उनको खुशीको सिमा छैन । जाङबुले हेवार्ड र मोण्टी जातको किवी खेती गरेकाछन् । 
उनले किवीका लागि करिब ८ लाखको लगानी गरेकाछन् । जसमा व्यवसायिक कृषि तथा व्यापार आयोजना (प्याक्ट) को अनुदान पनि सामेल छ । सोलुखुम्बुमा यतिखेर तल्लो क्षेत्र सल्यानदेखि माथिल्लो क्षेत्र टाक्सिन्दुसम्म किवी खेती शुरु गरिएको भण्डारीले बताए । 
सोलुखुम्बुका स्थानीय विकास अधिकारी कृष्णप्रसाद सापकोटाले कृषकलाई नगदे बालीतर्फ आकर्षित गरी जीवन स्तर उकास्न सरकारले लगानी गरे अनुरुप र चाहे अनुरुप प्रतिफल प्राप्त नभएपनि शुरुवात् राम्रो रहेको बताए । उनले भने “शुरुवात् हुनु पनि राम्रो कुरा हो, अहिले धेरै किसान आधुनिक खेतीतर्फ आकर्षित छन् ।” 
कृषकलाई नगदे बालीतर्फ आकर्षित गर्न व्यवसायिक कृषि तथा व्यापार आयोजना (प्याक्ट), हिमाली लगायत्का विभिन्न परियोजनाहरुले समेत सहयोग गरेको छ । तरकारी खेतीवाट कृषकहरु किवी, चिराइतो लगायत्को खेतीतर्फ आकर्षित हुन थालेकाछन् ।

सम्बन्धित समाचारहरु

प्रधानमन्त्रीले अध्य ...

काठमाडौं । सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्ड राष्ट्रपति विद् ...

सरकारले निर्णय गरेको ...

राष्ट्रपति विद्यादेवी भण्डारीले मन्त्रिपरिषदबाट सिफारिस भएको डेढ घण्टाभित्रै संसद अधिवेशन अन्त्य गरे ...

संसद अधिवेशन अन्त्य ...

सरकारले संसदको बजेट अधिवेशन आजै अन्त्य गर्ने निर्णय गरेको छ। प्रधानमन्त्री निवास बालुवाटारमा बसेको म ...

सामाजिक संजाल

सम्पर्क ठेगाना

सोलुखुम्बु समाचार डट कम

  • कम्पनी दर्ता नं. १६६७४८/०७३/०७४
  • स्थायी लेखा नं. ६०५९६८०३१
  • सूचना विभाग दर्ता नं. ६२९/०७४-७५
  • सोलुदुधकुण्ड नगरपालिका - ६, दोर्पू बजार, सोलुखुम्बु, सगरमाथा, नेपाल
  • सम्पर्क: ९८५१००९९८८, ०३८-५२०२८०
  • इमेल: [email protected]

हाम्रो टीम

  • प्रधान सम्पादक मनोजकुमार श्रेष्ठ
  • ग्राफिक्स, बजार उमेश

Copyright © 2019 / 2020 - Solukhumbu Samachar - All rights reserved