• सूचना विभाग दर्ता नं. ६२९/०७४-७५

माप्य–खुम्बु मितेरी पुलको शिलान्यास हुँदै

  • मंसिर १३, २०७६
  • सोलुखुम्बु समाचार
alt

१३ मंसिर २०७६ - माप्य दुधकोशी गाउँपालिकाको गौरबको आयोजना माप्य–खुम्बु मितेरी (ओर्लाङघाट) मोटरेबल पुलको भोली शिलान्यास हुँदैछ । गाउँपालिकाले दिएको जानकारीअनुसार सोलुखुम्बुबाट निर्वाचित प्रतिनिधि सभा सदस्य हेमकुमार राईले उक्त पुलको शिलान्यास गर्ने कार्यक्रम रहेको छ ।

कार्यक्रममा प्रदेश सभा सदस्य बुद्धिकुमार राजभण्डारी, जिल्लाका उच्च पदस्थ अधिकारीहरु, राजनीतिक दलका नेताहरु, सम्बन्धित सरोकारवाला तथा पत्रकारहरुको उपस्थिति रहने जनाइएको छ ।

मोटरेबल पुल बनेपछि विश्वको सर्वोच्च शिखर सगरमाथा क्षेत्रको यातायात सेवा सहज रुपमा सुचारु हुने भएकाले यसले राष्ट्रिय महत्व बोकेको छ । तथापी, चालु आर्थिक वर्ष २०७६/०७७ को बजेटमा गाउँपालिकाले उक्त मोटरेबल पुल निर्माणलाई विशेष प्राथमिकतामा राखेको छ ।

गाउँपालिकाले खुम्बु पासाङल्हामु गाउँपालिकासँगको साझेदारीमा यो पुल निर्माण गर्न लागेको हो । ४८ मिटर लामो र ५० टन क्षमताको उक्त पुलको नाम नै माप्य–खुम्बु मितेरी पुल भनेर नामारण गरिएको छ ।गाउँपालिकाबाट चालु आर्थिक वर्ष २०७६/०७७ को बजेटमार्फत उक्तपुलका लागि २ करोड ७५ लाख रुपैयाँ बजेट विनियोजन गरिएको छ ।

८ करोड ३४ लाख रुपैयाँको टेण्डर भएर निर्माण कार्य अघि बढाइएको उक्त पुल निर्माणका लागि संघीय सांसदमार्फत १ करोड, प्रदेश सरकारबाट २ करोड रुपैयाँ विनियोजन भएको छ भने बाँकी रकम माप्य दुधकोशी र खुम्बु पासाङल्हामु गाउँपालिकाबाट ५०/५० प्रतिशत हिस्सा बजेटको व्यवस्था गर्ने सम्झौता भएको छ ।

पुल बनेपछि यस क्षेत्रको सम्बृद्धिको थप ढोका खुल्ने गाउँपालिका अध्यक्ष बुद्धिकिरण राई बताउनुहुन्छ । गाउँपालिका अध्यक्ष राईले यो पुल निर्माण गर्नका लागि ढुवानीको काम छिट्टै सुरु हुने जानकारी दिनुभयो ।

सम्बन्धित समाचारहरु

प्रधानमन्त्रीले अध्य ...

काठमाडौं । सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्ड राष्ट्रपति विद् ...

सरकारले निर्णय गरेको ...

राष्ट्रपति विद्यादेवी भण्डारीले मन्त्रिपरिषदबाट सिफारिस भएको डेढ घण्टाभित्रै संसद अधिवेशन अन्त्य गरे ...

संसद अधिवेशन अन्त्य ...

सरकारले संसदको बजेट अधिवेशन आजै अन्त्य गर्ने निर्णय गरेको छ। प्रधानमन्त्री निवास बालुवाटारमा बसेको म ...

सामाजिक संजाल

सम्पर्क ठेगाना

सोलुखुम्बु समाचार डट कम

  • कम्पनी दर्ता नं. १६६७४८/०७३/०७४
  • स्थायी लेखा नं. ६०५९६८०३१
  • सूचना विभाग दर्ता नं. ६२९/०७४-७५
  • सोलुदुधकुण्ड नगरपालिका - ६, दोर्पू बजार, सोलुखुम्बु, सगरमाथा, नेपाल
  • सम्पर्क: ९८५१००९९८८, ०३८-५२०२८०
  • इमेल: [email protected]

हाम्रो टीम

  • प्रधान सम्पादक मनोजकुमार श्रेष्ठ
  • ग्राफिक्स, बजार उमेश

Copyright © 2019 / 2020 - Solukhumbu Samachar - All rights reserved